Энэхүү баримт нь Үйлчилгээний нөхцөлийн салшгүй хэсэг бөгөөд зөвхөн Smart Listing-д хамаарна. Үйлчилгээний нөхцөл: ai.cody.mn/terms.
Агуулга
Энэхүү тусгай нөхцөл нь Үйлчилгээний нөхцөлийн салшгүй хэсэг бөгөөд зөвхөн та Smart Listing-ийг сонгож ашиглаж байгаа тохиолдолд хүчин төгөлдөр үйлчилнэ. Хэрэв энэхүү тусгай нөхцөл болон Үйлчилгээний нөхцөлийн хооронд зөрчил гарвал Smart Listing-той холбоотой асуудалд энэхүү тусгай нөхцөл давуу үйлчилнэ.
1. Smart listing гэж юу вэ
Smart Listing нь таны барааны мэдээллийг хиймэл оюун ухаанаар боловсруулж, зарах бэлэн каталог болгодог үйлчилгээ юм. Та барааны Excel, CSV файл илгээх, мэдээллээ гараар оруулах, эсхүл API-аар холбогдох замаар мэдээллээ үзүүлж болно. Smart Listing нь тэдгээрийг ангилж, нэр, тайлбар бичиж, шинж чанарыг бөглөж, шаардлагатай бол зураг санал болгоно.
2. Боловсруулалт хэзээ эхэлдэг вэ
Та файл, мэдээллээ илгээсэн даруйд боловсруулалт автоматаар эхэлдэггүй. Танд боловсруулах хүсэлтээ Платформ дээр тусгайлан баталгаажуулах шаардлагатай. Жишээлбэл, "Боловсруулах" товч дарснаар л боловсруулалт эхэлнэ.
3. Үр дүнгээ хэрхэн авах вэ
Боловсруулалт дууссаны дараа үр дүнг Excel, CSV файл, Платформын удирдлагын хэсэг, API, эсхүл бусад дэмжигдэж буй хэлбэрээр авах боломжтой. Ямар хэлбэрээр үр дүнгээ авахаа та өөрөө сонгоно.
4. Нийтлэхээс өмнө шалгах
Хэрэв Платформ танд боловсруулсан бараагаа marketplace-д шууд нийтлэх боломж олгож байгаа бол, та тухайн мэдээллийг эхлээд харж, шаардлагатай бол засварлаж, дараа нь баталгаажуулж байж нийтлэнэ. Smart Listing-ийн боловсруулсан мэдээлэл нь эцсийн шийдвэр биш, харин таны хянаж баталгаажуулах ёстой санал юм.
Барааны нэр, тайлбар, үнэ, найрлага, аюулгүй байдлын анхааруулга, насны хязгаарлалт зэрэг мэдээллийг нийтлэхээс өмнө үнэн зөв эсэхийг та бие даан шалгах үүрэгтэй.
5. Зураг нийтлэхдээ юуг анхаарах вэ
Smart Listing нь интернетийн нийтэд нээлттэй эх сурвалжаас зураг санал болгож болно. Энэ үйлчилгээ шинэ зураг үүсгэдэггүй, харин байгаа зургаас тохирохыг хайж олдог.
Бидний санал болгосон зураг нь зөвхөн санал байдлаар үзүүлэгддэг. Бид тухайн зургийн зохиогчийн эрх, ашиглах лиценз байгаа эсэхийг баталгаажуулдаггүй. Та санал болгосон зургийг ашиглахаасаа өмнө зохиогчийн эрх, лиценз, бусад шаардлагыг өөрөө шалгах хэрэгтэй. Зөвшөөрөлгүй зураг ашигласнаас үүдэх аливаа хариуцлагыг та хүлээнэ.
6. Ямар мэдээллийг боловсруулж болохгүй вэ
Smart Listing нь дараах ажиллагааг гүйцэтгэдэггүй:
- барааг marketplace-д шууд байршуулах (та өөрөө байршуулна)
- нөөцийн бүртгэл хийх
- захиалга, тээвэр, төлбөр зохицуулах
- шинэ зураг үүсгэх (зөвхөн хайж олдог)
үнэ тогтоох.
7. Мэдээлэл боловсруулах эрхээ хэрхэн ашиглах вэ
Smart Listing-ийг ашиглахын тулд та Кредит худалдан авна. Нэг Кредит нь тодорхой хэмжээний барааны мэдээлэл боловсруулах эрхийг илэрхийлнэ. Кредитийн тоо болон үнийг Платформ дээрээс шалгана.
Худалдан авсан Кредит нь 12 сарын хугацаанд хүчинтэй байна. Энэ хугацаанд Та Кредитээ хүссэн үедээ хэсэгчлэн ашиглаж болно. Кредит нь бэлэн мөнгөнд хөрвөхгүй, бусад бүртгэл рүү шилжихгүй.
Хэрэв бидний талын техникийн алдаанаас шалтгаалж боловсруулалт огт хийгдээгүй бол бид тухайн Кредитийг сэргээнэ. Харин таны буруу файл, дутуу мэдээлэл, буруу тохиргоо зэргээс үүдсэн алдаанд Кредит сэргэхгүй.
8. Багц ба үнэ
Smart Listing-ийн Кредитийн багц, хэмжээ болон үнийг Платформ дээрээс шалгаж, сонгоно.
9. Нэмэлт мэдээлэл
Smart Listing-тэй холбоотой бусад нийтлэг нөхцөл, тухайлбал таны эрх, үүрэг, төлбөр, хариуцлагын хязгаарлалт, бүртгэл түдгэлзүүлэх, цуцлах зэрэг асуудлыг Үйлчилгээний нөхцөлд зааж өгсөн. Хэрэв асуулт байвал info@cody.mn хаягаар бидэнд хандаж болно.