Үйлчилгээний нөхцөл

“Коди” ХХК (цаашид “Компани”, “Бид” гэх) нь ai.cody.mn цахим хуудсаар дамжуулан хиймэл оюун ухаанд суурилсан үйлчилгээ үзүүлнэ.

Энэхүү Үйлчилгээний нөхцөл (цаашид “Нөхцөл” гэх) нь Платформыг ашиглах, бүртгэл үүсгэх, бүтээгдэхүүн сонгох, төлбөр төлөх болон Компаниас үзүүлэх үйлчилгээтэй холбоотой Та болон Компанийн эрх, үүргийг зохицуулна.

Энэхүү Нөхцөлд:

“Платформ” гэж ai.cody.mn цахим хуудас болон түүнтэй холбоотой хэрэглэгчийн удирдлагын хэсгийг;

“Үйлчилгээ” гэж Платформоор дамжуулан санал болгож буй Sales Agent, Smart Listing, AI Newsletter болон бусад хиймэл оюун ухаанд суурилсан бүтээгдэхүүн, үйлчилгээг;

“Та”, “Хэрэглэгч” гэж энэхүү Нөхцөлийг хүлээн зөвшөөрч, Платформыг ашиглаж буй 18 нас хүрсэн иргэн, эсхүл хуулийн этгээдийг тус тус ойлгоно.

Та Платформд бүртгүүлж, “Үйлчилгээний нөхцөл болон Нууцлалын бодлоготой танилцаж, зөвшөөрч байна” гэсэн сонголтыг идэвхжүүлснээр энэхүү Нөхцөлийг хүлээн зөвшөөрсөнд тооцно.

Та байгууллагын нэрийн өмнөөс бүртгүүлэх, үйлчилгээ сонгох, төлбөр хийх, эсхүл Платформыг ашиглаж байгаа бол тухайн байгууллагыг төлөөлөх эрхтэй гэдгээ баталгаажуулна. Та энэхүү Нөхцөлийг зөвшөөрөхгүй бол Платформд бүртгүүлэх, төлбөртэй үйлчилгээ авах, эсхүл Үйлчилгээг зориулалтын дагуу ашиглах боломжгүй.

Та тодорхой бүтээгдэхүүнийг сонгож, ашиглаж, эсхүл төлбөр төлснөөр тухайн бүтээгдэхүүний тусгай нөхцөлийг мөн хүлээн зөвшөөрсөнд тооцно. Дараах баримт бичиг нь энэхүү Нөхцөлийн салшгүй хэсэг байна. Үүнд:

• Нууцлалын бодлого: ai.cody.mn/privacy
• Sales Agent-ийн тусгай нөхцөл: ai.cody.mn/product-terms/sales-agent
• Smart Listing-ийн тусгай нөхцөл: ai.cody.mn/product-terms/smart-listing
• AI Newsletter-ийн тусгай нөхцөл: ai.cody.mn/product-terms/ai-newsletter

Хэрэв Та болон Компани тусгайлан бичгээр эсхүл цахимаар өөр гэрээ байгуулсан бол тухайн гэрээ энэхүү Нөхцөлөөс давуу үйлчилнэ.

Компани таны бүртгэл, нөхцөл зөвшөөрсөн үйлдэл, төлбөр, үйлчилгээ ашиглалттай холбоотой цахим бүртгэл, мэдээллийг хадгалж болно. Эдгээр бүртгэл нь хуульд заасан хүрээнд Та Нөхцөлийг зөвшөөрсөн, үйлчилгээ авсан болон төлбөр хийсэн үйлдлийн нотолгоо болно.

Та Платформын үйлчилгээг ашиглахын тулд эхлээд хэрэглэгчээр бүртгүүлнэ. Бүртгүүлэхдээ өөрийн и-мэйл хаяг болон нууц үг, эсхүл гар утасны дугаар болон нэг удаагийн нууц кодыг ашиглаж болно.

Бүртгэл үүсгэсний дараа та и-мэйл хаяг, эсхүл гар утасны дугаараа баталгаажуулна. Баталгаажуулалт хийснээр таны бүртгэл идэвхжиж, Платформын боломжийг ашиглах эрх үүснэ. Баталгаажуулаагүй тохиолдолд Компанийн зүгээс таны бүртгэл, төлбөр болон аюулгүй байдлыг хамгаалах зорилгоор зарим үйлчилгээг хязгаарлаж болно.

Платформыг ашиглаж буй Та 18 нас хүрсэн, эрх зүйн бүрэн чадамжтай байна. Хэрэв та компани, байгууллага, багийн нэрийн өмнөөс бүртгүүлж, үйлчилгээ ашиглаж байгаа бол тухайн байгууллагыг төлөөлөх, Платформ ашиглах, үйлчилгээ сонгох болон төлбөртэй холбоотой шийдвэр гаргах эрхтэй гэдгээ батална.

Та бүртгүүлэхдээ үнэн зөв, бодит мэдээлэл оруулна. Хувь хүн хэрэглэгчийн хувьд нэр, и-мэйл хаяг, гар утасны дугаар зэрэг, байгууллагын хэрэглэгчийн хувьд байгууллагын нэр, улсын бүртгэлийн дугаар, албан тушаал, хаяг, нэхэмжлэлийн болон татварын мэдээлэл зэрэг нэмэлт мэдээлэл шаардагдаж болно.

Таны бүртгэлтэй холбоо барих мэдээлэл, байгууллагын мэдээлэл, нэхэмжлэлийн мэдээлэл өөрчлөгдвөл та тэдгээрийг тухай бүр шинэчилнэ. Буруу, дутуу, хуучирсан мэдээллээс шалтгаалан мэдэгдэл хүрэхгүй байх, төлбөр баталгаажихгүй байх, үйлчилгээ тасалдах, эсхүл бусад асуудал үүсвэл Компани хариуцлага хүлээхгүй.

Та өөрийн нууц үг, нэг удаагийн нууц код, нэвтрэх холбоос болон бүртгэлд нэвтрэх бусад мэдээллийг бусдад дамжуулахгүй, аюулгүй хадгална. Таны бүртгэл, баталгаажуулсан и-мэйл хаяг, гар утасны дугаар эсхүл нэвтрэх мэдээллийг ашиглан Платформд хийсэн үйлдлийг таны хийсэн үйлдэлд тооцно.

Хэрэв таны бүртгэлд бусад этгээд зөвшөөрөлгүй нэвтэрсэн, нууц үг эсхүл нэвтрэх мэдээлэл алдагдсан, эсхүл ийм эрсдэл үүссэн гэж үзвэл та Компанид info@cody.mn хаягаар нэн даруй мэдэгдэх үүрэгтэй.

Хэрэв та байгууллагын бүртгэл ашиглаж байгаа бол удирдах эрхтэй хэрэглэгч нь тухайн бүртгэлд бусад хэрэглэгч нэмэх, хасах, тэдний эрхийг өөрчлөх, үйлчилгээ сонгох, тохиргоо хийх, төлбөртэй холбоотой үйлдэл хийх боломжтой байж болно. Удирдах эрхтэй хэрэглэгчийн тухайн байгууллагын бүртгэлээр хийсэн үйлдлийг тухайн байгууллагын өмнөөс хийсэнд тооцно.

Та өөрийн байгууллагын бүртгэлд нэвтрэх эрх олгосон хэрэглэгчийн үйлдэл, тэдний оруулсан мэдээлэл болон Платформын ашиглалттай холбоотой хариуцлагыг хүлээнэ.

Та бусдын нэр, и-мэйл хаяг, гар утасны дугаар, байгууллагын нэр, улсын бүртгэлийн дугаар эсхүл бусад мэдээллийг тэдний зөвшөөрөлгүйгээр ашиглаж бүртгэл үүсгэхгүй. Мөн бусдын бүртгэл, нууц үг, нэг удаагийн нууц код, нэвтрэх холбоосыг зөвшөөрөлгүйгээр ашиглахыг хориглоно.

Компани нь Платформын аюулгүй ажиллагааг хангах, залилан болон зөвшөөрөлгүй ашиглалтаас сэргийлэх, хууль тогтоомжийн шаардлагыг биелүүлэх, эсхүл таны бүртгэлийн мэдээллийг баталгаажуулах зорилгоор нэмэлт мэдээлэл, баримт бичиг эсхүл баталгаажуулалт шаардаж болно. Хэрэв та шаардсан мэдээлэл, баримт бичгийг өгөхгүй бол Компани таны бүртгэл болон зарим үйлчилгээнд хандах эрхийг түр хязгаарлах эрхтэй.

Компани нь Платформоор дамжуулан хиймэл оюун ухаанд суурилсан дараах болон бусад үйлчилгээг санал болгож болно. Үүнд:

• Sales Agent — хэрэглэгчтэй харилцах, асуултад хариулах, борлуулалтын үйл ажиллагааг дэмжих AI туслах
• Smart Listing — бараа, үйлчилгээний мэдээллийг ангилах, нэр, тайлбар, бусад мэдээлэл боловсруулах AI үйлчилгээ

AI Newsletter — таны оруулсан болон холбосон мэдээлэлд үндэслэн тайлан, дүн шинжилгээ, зөвлөмж бэлтгэх AI үйлчилгээ.

Тухайн үед ашиглах боломжтой үйлчилгээ, багц, үнэ, боломж болон хэрэглээний хязгаарлалтыг Платформ дээр харуулна.

Та өөрийн хэрэгцээнд тохирсон нэг буюу хэд хэдэн үйлчилгээг сонгож ашиглаж болно. Тодорхой үйлчилгээ сонгох, идэвхжүүлэх, ашиглах, эсхүл төлбөр төлснөөр тухайн үйлчилгээний тусгай нөхцөлийг мөн хүлээн зөвшөөрсөнд тооцно.

Sales Agent, Smart Listing болон AI Newsletter-ийн тусгай нөхцөлийг дараах холбоосоор үзнэ үү:

• Sales Agent: ai.cody.mn/product-terms/sales-agent
• Smart Listing: ai.cody.mn/product-terms/smart-listing

AI Newsletter: ai.cody.mn/product-terms/ai-newsletter.

Sales Agent нь тухайн үед Платформ дээр дэмжигдэж буй Facebook Messenger, Instagram, веб чат, и-мэйл, WhatsApp, Viber болон бусад сувгаар ажиллаж болно. Та зөвхөн өөрийн ашиглах эрхтэй, шаардлагатай зөвшөөрөл, нэвтрэх эрх, тохиргоотой сувгийг Платформд холбох боломжтой. Тухайн суваг, холболтын боломж нь гуравдагч талын үйлчилгээ үзүүлэгчийн нөхцөл, техникийн шаардлага, зөвшөөрөл, API болон бодлогоос шалтгаалж өөрчлөгдөж болно.

Та Платформд бараа, үйлчилгээний мэдээлэл, каталог, асуулт хариулт, дотоод журам, баримт бичиг, зураг, видео, чат, захиалга, хүргэлт, төлбөрийн мэдээлэл, борлуулалт, нөөц, вебийн хандалтын мэдээлэл болон Үйлчилгээг ашиглахад шаардлагатай бусад мэдээллийг оруулж, холбож эсхүл дамжуулж болно. Та Платформд оруулсан эсхүл холбосон мэдээллээ үнэн зөв, шинэчлэгдсэн, байлгах үүрэгтэй.

Smart Listing-ийг ашиглахдаа та файл оруулах, мэдээллийг гараар бөглөх, эсхүл каталог, API болон бусад системтэй холбох замаар мэдээллээ боловсруулахад бэлэн болгож болно. Та боловсруулах хүсэлтээ Платформ дээр баталгаажуулсны дараа Smart Listing таны сонгосон тохиргооны дагуу мэдээлэл боловсруулж эхэлнэ.

AI-аар үүсгэсэн үр дүнг файл, Платформын удирдлагын хэсэг, API эсхүл тухайн үед дэмжигдэж буй бусад хэлбэрээр авах боломжтой. Marketplace болон бусад гуравдагч талын системд нийтлэхээс өмнө та мэдээллийг хянаж, баталгаажуулах үүрэгтэй.

AI Newsletter нь таны сонгосон мэдээллийн эх сурвалж, тухайлбал Платформын бусад үйлчилгээ, холбогдсон систем, API, файл, вебийн хандалтын мэдээлэл эсхүл таны оруулсан мэдээлэлд үндэслэн тайлан, дүн шинжилгээ, зөвлөмж бэлтгэж болно. Тайланг Платформын удирдлагын хэсэгт байршуулах, и-мэйлээр илгээх эсхүл тухайн үед дэмжигдэж буй өөр хэлбэрээр хүргэж болно. Тайлан хүлээн авах эрх, давтамж, агуулга болон бусад онцлогийг тухайн үйлчилгээний тусгай нөхцөлд заана.

Компани нь Платформын аюулгүй ажиллагаа, чанар, техникийн хөгжүүлэлт, хууль тогтоомж, гуравдагч талын системийн өөрчлөлт болон хэрэглэгчийн хэрэгцээнд нийцүүлэх зорилгоор Үйлчилгээний боломж, загвар, интерфэйс, дэмжигдэх суваг, холболт, техникийн шаардлага, хэрэглээний хязгаарлалт болон бусад нөхцөлийг шинэчлэх, нэмэх, өөрчлөх, түр хязгаарлах эсхүл зогсоох эрхтэй. Хэрэв өөрчлөлт нь таны идэвхтэй үйлчилгээний үндсэн боломжид мэдэгдэхүйц нөлөө үзүүлэх бол Компани боломжтой тохиолдолд танд урьдчилан мэдэгдэнэ. Яаралтай аюулгүй байдлын арга хэмжээ, хууль тогтоомжийн шаардлага, гуравдагч талын платформын хязгаарлалт, техникийн доголдлын үед урьдчилан мэдэгдэх боломжгүй байж болно.

Тусгай хөгжүүлэлт, нэмэлт холболт, тусгай дэмжлэг, онцгой нөхцөл, эсхүл Платформын нийтлэг багцад ороогүй үйлчилгээг авах бол Та болон Компани тусдаа тохиролцож болно. Ийм тохиролцоо нь цахим эсхүл бичгээр баталгаажсан тохиолдолд энэхүү Нөхцөлөөс давуу үйлчилнэ.

Тухайн үйлчилгээ, багцын үнэ, НӨАТ багтсан эсэх, төлбөрийн давтамж, дараагийн төлбөрийн огноо болон холбогдох бусад мэдээллийг та төлбөр хийхээс өмнө Платформ дээрээс харна.

Та Платформ дээр санал болгосон банкны карт, QPay, эсхүл банкны шилжүүлгээр төлбөрөө хийж болно. Компани нь таны картын бүтэн дугаар, аюулгүй байдлын код, хүчинтэй хугацааг хадгалахгүй. Төлбөрийг гуравдагч талын төлбөрийн үйлчилгээ үзүүлэгч боловсруулна.

Таны сонгосон үйлчилгээ, багц нь төлбөр амжилттай баталгаажсаны дараа идэвхжинэ. Банкны шилжүүлгээр төлсөн бол мөнгө бодитоор орж, баталгаажсаны дараа үйлчилгээ идэвхжинэ.

Сар тутмын багцын дараагийн төлбөрийн өдөр нь таны анх төлбөр хийсэн өдрөөр тооцогдоно. Жишээ нь, та 9 дүгээр сарын 15-нд төлбөр хийсэн бол дараагийн төлбөрийн өдөр 10 дугаар сарын 15 байна.

Багц автоматаар сунгагдахыг та өөрөө тохиргооноосоо сонгож идэвхжүүлнэ. Автоматаар сунгах сонголтыг идэвхжүүлсэн тохиолдолд Компани дараагийн төлбөрийн өдөр таны холбосон картаас төлбөрийг автоматаар татах оролдлого хийнэ.

Хэрэв та автоматаар сунгах сонголт идэвхжүүлээгүй бол Компани багц дуусахаас өмнө нэхэмжлэх, QPay зураг, эсхүл төлбөрийн заавар илгээж, танд сануулна.

Төлбөр амжилтгүй болсон, эсхүл багцын хугацаа дууссан тохиолдолд төлбөртэй үйлчилгээг Компани шууд түдгэлзүүлнэ. Та дахин төлбөр хийсний дараа үйлчилгээ дахин идэвхжинэ. Ийнхүү дахин төлсний дараа шинэ багцын хугацаа нь төлбөр амжилттай орсон өдрөөс шинээр эхэлнэ.

Та илүү өндөр үнэтэй багц руу шилжиж болно. Шилжихдээ одоогийн багцын үлдсэн хугацаанд ногдох үнийн зөрүүг төлнө.

Та багцаа бууруулах хүсэлт гаргасан бол уг өөрчлөлт таны дараагийн төлбөрийн мөчлөгөөс эхлэн хүчин төгөлдөр болно. Одоогийн мөчлөгт төлсөн үнийн зөрүү буцаагдахгүй.

Компани нь тодорхой багц, урамшуулал, хямдралтай санал зэргийг тухай бүр санал болгож болно. Ийм саналын хугацаа, үнэ, нөхцөл нь тухайн саналыг сонгож, төлбөр хийхээс өмнө Платформ дээр тодорхой харагдана.

Smart Listing-ийн боловсруулах эрхийг (цаашид “Кредит” гэх) та урьдчилан худалдан авна. Кредит нь худалдан авснаас хойш 12 сарын хугацаанд хүчинтэй байх бөгөөд бэлэн мөнгөнд хөрвөхгүй, бусдад шилжихгүй.

Хэрэв Компанийн техникийн шалтгаанаар боловсруулалт хийгдэж чадаагүй бол зарцуулсан Кредитийг сэргээнэ. Таны буруу оруулсан файл, мэдээлэл, эсхүл тохиргооноос шалтгаалсан алдаанд Кредит сэргэхгүй.

Sales Agent-ийн сарын мессежийн хязгаарын 80, 90, 100 хувьд хүрэхэд Компани танд мэдэгдэл илгээнэ. Хязгаар дуусмагц AI-ийн автомат хариу түр зогсох бөгөөд та нэмэлт мессежийн багц худалдан аваад дахин идэвхжүүлж болно.

Хэрэглээний бүртгэлийн хандалт, өмнөх харилцааны түүх болон бусад боломж хязгаар дуусаад ч хэвээр нээлттэй байна.

Хуульд өөрөөр зааснаас бусад тохиолдолд төлсөн төлбөр буцаагдахгүй. Ашиглаагүй хугацаа, ашиглаагүй Кредит, багц бууруулсан, эсхүл цуцлагдсан үйлчилгээний төлбөрт мөн буцаалт хийхгүй.

Давхар төлбөр, буруу дүн, эсхүл Компанийн техникийн алдаанаас шалтгаалсан төлбөрийг Компани шалгаж, шаардлагатай бол засварлаж, буцааж болно.

Төлбөр, нэхэмжлэх, эсхүл буцаалттай холбоотой асуулт гарвал та info@cody.mn хаягаар Компанид хандаж болно.

Үйлчилгээ нь хиймэл оюун ухаан, хэл боловсруулах загвар болон бусад автомат технологид суурилдаг. Ийм технологи нь магадлалд тулгуурлан ажилладаг тул AI-аар үүсгэсэн хариулт, дүгнэлт, санал, ангилал, тайлан үнэн зөв, бүрэн, алдаагүй байна гэсэн баталгаа өгөхгүй.

Sales Agent, Smart Listing болон AI Newsletter тус бүрийн нарийвчилсан нөхцөл, боломж, хязгаарлалтыг 3.2-т заасан тусгай нөхцөлд тодорхойлно.

AI-аар үүсгэсэн үр дүн буруу, дутуу, хуучирсан, эсхүл таны хүлээж буй зорилгод тохироогүй байж болно. Ийм нөхцөл байдал нь дараах шалтгаанаас үүсэж болно:

• Таны оруулсан, холбосон мэдээлэл буруу, дутуу, хуучирсан байх
• Холбогдсон систем, API, сан тасалдах, синхрончлогдохгүй байх

Таны асуулт, зөвлөмж тодорхойгүй, олон утгатай байх.

AI-аар үүсгэсэн үр дүн, санал, автомат хариу, тайланг ашиглах, нийтлэх, эсхүл түүнд тулгуурлан шийдвэр гаргахаас өмнө та өөрөө хянаж, шаардлагатай бол засварлаж, баталгаажуулна. Барааны үнэ, нөөц, урамшуулал, захиалга, хүргэлт, буцаалт, харилцагчийн харилцаа болон бизнесийн бусад шийдвэрийн эцсийн үнэн зөв, хуульд нийцэх байдлыг Та хариуцна.

AI-аар үүсгэсэн үр дүн нь хууль зүй, санхүү, татвар, эмнэлэг болон бусад мэргэжлийн зөвлөгөөг орлохгүй. Ийм асуудлаар шийдвэр гаргахаасаа өмнө шаардлагатай мэргэжлийн зөвлөгөө авна уу.

Sales Agent-ийг ашиглах тохиолдолд та, эсхүл байгууллагын бүртгэлийн удирдах эрхтэй хэрэглэгч, автомат хариу, санал болгох үнэ, урамшуулал, захиалга, төлбөрийн холбоос, буцаалттай холбоотой мэдээлэл болон бусад автомат үйлдлийг тохиргоогоор идэвхжүүлж, удирдана. Ийм автомат үйлдлээс үүдэн харилцагчтай холбогдох аливаа асуудал, гомдол, маргааныг Та хариуцна.

Sales Agent ашигладаг тохиолдолд Та харилцагчдаа AI туслахтай харилцаж байгаагаа мэдэгдэж, шаардлагатай бол хүн ажилтантай холбогдох боломжийг санал болгоно.

Smart Listing нь интернетийн нийтэд нээлттэй эх сурвалжаас зураг, холбоос санал болгож болно. Ийм зураг, холбоосыг ашиглахаасаа өмнө зохиогчийн эрх, лиценз болон бусад шаардлагыг та өөрөө шалгаж, баталгаажуулна.

Компани нь холбогдсон гуравдагч талын хиймэл оюун ухааны загвар, платформын өөрчлөлт, хязгаарлалт, түр зогсолтоос үүдэн Үйлчилгээний ажиллагаанд гарах өөрчлөлт, саатлыг хариуцахгүй. Ийм нөхцөлд Компани боломжтой бол өөр шийдэл санал болгоно.

AI-аар үүсгэсэн үр дүнд тулгуурлан хүний эрх, ажил эрхлэлт, зээл, даатгал, эрүүл мэнд болон бусдын эрх ашигт мэдэгдэхүйц нөлөө үзүүлэх эцсийн шийдвэрийг та дангаараа гаргахгүй. Ийм шийдвэрт хүний хяналт, шалгалт зайлшгүй шаардлагатайг анхаарна уу.

Та Үйлчилгээг зөвхөн хууль ёсны, шударга зорилгоор ашиглана. Платформд оруулсан, холбосон каталог, зураг, файл, харилцагчийн мэдээлэл болон бусад контентдоо шаардлагатай эрх, зөвшөөрөлтэй байх ёстой. Өөрөөр хэлбэл, тухайн мэдээллийг ашиглах хууль ёсны үндэслэлгүй, эсхүл эзэмшигчийн зөвшөөрөлгүй бол та тухайн мэдээллийг Платформд оруулах эрхгүй.

Та Үйлчилгээг ашиглан дараах зүйлийг хийхийг хатуу хориглоно:

• хууль бус бараа, үйлчилгээ, контент борлуулах, сурталчлах. Жишээлбэл, хуурамч бараа, хориглосон бүтээгдэхүүн, эсхүл зохиогчийн эрх зөрчсөн контент
• хуурамч, төөрөгдүүлсэн мэдээлэл түгээх, залилан хийх. Үнэн бус барааны мэдээлэл, худал урамшуулал, эсхүл харилцагчийг мэхлэх зорилготой мессеж илгээхийг үүнд тооцно
• бусдын хувийн мэдээлэл, нууц мэдээллийг зөвшөөрөлгүй ашиглах. Харилцагч, ажилтан, гуравдагч этгээдийн мэдээллийг тэдний зөвшөөрөлгүйгээр цуглуулах, дамжуулах, боловсруулах
• эмзэг, аюулгүй байдлын мэдээллийг Платформд оруулах. Нууц үг, банкны картын бүтэн дугаар, аюулгүй байдлын код, нэг удаагийн нууц код зэрэг мэдээллийг чат, файл, тохиргоонд бичихгүй байх
• зөвшөөрөлгүй мессеж, сурталчилгаа тархаах. Хүлээн авагчийн зөвшөөрөлгүйгээр масс мессеж, сурталчилгаа илгээхийг хориглоно, учир нь энэ нь харилцагчийн эрхийг зөрчихөөс гадна Платформын холбогдсон сошиал сувгийг хязгаарлуулах эрсдэлтэй
• Платформын аюулгүй байдлын хамгаалалтыг тойрох. Системд зөвшөөрөлгүй нэвтрэх, хамгаалалтыг эвдэх, туршиж шалгах зорилготой үйлдэл хийх
• бусдын бүртгэлд зөвшөөрөлгүй нэвтрэх. Өөр хэрэглэгчийн нэр, нэвтрэх мэдээлэл ашиглан Платформд нэвтрэх, үйлдэл хийх

Үйлчилгээг Компанийн зөвшөөрөлгүйгээр бусдад дахин худалдах, түрээслэх. Жишээлбэл, өөрийн эрхээр авсан Үйлчилгээг гуравдагч этгээдэд мөнгөөр ашиглуулах.

Хэрэв та Sales Agent болон бусад автомат үйлчилгээгээр дамжуулан харилцагчид мессеж, санал, төлбөрийн холбоос, урамшуулал илгээж байгаа бол үүнийг хууль тогтоомж болон Facebook, Instagram зэрэг холбогдсон платформын дүрэм журамд нийцүүлж ашиглана. Жишээлбэл, зөвшөөрөлгүй хүлээн авагчид масс мессеж илгээх нь зөвхөн энэ Нөхцөлийг зөрчихөөс гадна тухайн платформын дүрмийг зөрчиж, таны бүртгэлийг хязгаарлуулах, хаагдуулах эрсдэлтэй тул та автомат мессежийн тохиргоог сайтар хийх шаардлагатай.

Хэрэв Компани та энэхүү Нөхцөл, тухайн үйлчилгээний тусгай нөхцөл эсхүл хууль тогтоомжийг зөрчсөн гэж үзвэл зөрчлийн шинж чанараас хамааран дараах арга хэмжээний аль нэгийг авч болно:

Мэдэгдэж, засах хугацаа өгөх. Жишээлбэл, буруу тохиргоо, дутуу мэдээлэл зэрэг бага зэргийн, засаж болох зөрчилд Компани эхлээд танд мэдэгдэж, засах боломж олгоно.

Тодорхой боломж, холболтыг түр хязгаарлах. Зөрчил давтагдсан, эсхүл засагдаагүй тохиолдолд Компани тухайн бүтээгдэхүүн, суваг эсхүл функцийг түр хязгаарлаж болно.

Бүртгэл, үйлчилгээг нэн даруй түдгэлзүүлэх эсхүл цуцлах. Хууль бус ашиглалт, залилан, эсхүл бусдын аюулгүй байдалд ноцтой эрсдэл учруулсан ноцтой зөрчлийн үед Компани урьдчилан мэдэгдэлгүйгээр шууд арга хэмжээ авах эрхтэй.

Дээрх 6.4.3-т заасан ноцтой зөрчилд хууль бус бараа борлуулах, харилцагчийг мэхлэх, бусдын мэдээллийг хууль бусаар ашиглах, эсхүл Платформын аюулгүй байдалд халдах зэрэг орно. Ийм тохиолдолд Компани таны бүртгэл, үйлчилгээг шууд түдгэлзүүлэх бөгөөд шаардлагатай бол холбогдох эрх бүхий байгууллагад мэдэгдэж болно.

Платформ, түүний программ хангамж, дизайн, лого болон Компанийн бүтээсэн бусад технологийн бүх эрх Компанид хамаарна. Энэхүү Нөхцөл нь танд Платформыг зөвхөн ашиглах эрх олгохоос гадна өөр ямар нэгэн эрх шилжүүлэхгүй. Өөрөөр хэлбэл, та Платформыг хуулбарлах, дуурайх, эсхүл өөрийн нэрээр дахин зохион байгуулж ашиглах эрхгүй.

Та Платформд оруулсан бараа, үйлчилгээний мэдээлэл, каталог, зураг, файл, харилцагчийн мэдээлэл болон бусад контентын эрх өөрт хэвээр байна. Компани таны энэ мэдээллийг зөвхөн танд Үйлчилгээ үзүүлэх зорилгоор ашиглана. Жишээлбэл, таны оруулсан каталогийг Компани зөвхөн Smart Listing үйлчилгээгээр боловсруулж, танд буцаан өгөхөд ашиглах бөгөөд бусад хэрэглэгчид дамжуулах, эсхүл өөрийн бие даасан зорилгоор ашиглахгүй.

AI-аар үүсгэсэн үр дүнг (жишээ нь, Smart Listing-ийн боловсруулсан бүтээгдэхүүний тайлбар, Sales Agent-ийн хариу, AI Newsletter-ийн тайлан) та өөрийн бизнесийн зорилгоор ашиглах, нийтлэх, засварлах эрхтэй. Гэвч AI нь магадлалд суурилдаг тул өөр хэрэглэгч ижил, эсхүл төстэй үр дүн авах боломжтой. Тиймээс Компани AI-аар үүсгэсэн үр дүн зөвхөн танд хамаарах онцгой бүтээл гэж баталгаа өгөхгүй. Та тухайн үр дүнг нийтлэхээсээ өмнө хууль, бусдын эрхийг зөрчихгүй эсэхийг өөрөө шалгах шаардлагатай.

Smart Listing нь интернетийн нийтэд нээлттэй эх сурвалжаас зураг санал болгож болно. Энэ нь Компани тухайн зургийг эзэмшдэг, эсхүл ашиглах эрхийг танд шилжүүлж байна гэсэн үг биш. Та санал болгосон зургийг ашиглахаасаа өмнө тухайн зургийн зохиогчийн эрх, ашиглах лиценз байгаа эсэхийг өөрөө шалгаж, баталгаажуулна. Жишээлбэл, зохиогчийн эрхтэй зургийг зөвшөөрөлгүй ашиглавал хариуцлага үүсэх магадлалтай тул анхаарал тавина уу.

Та Компанид Үйлчилгээний талаар санал, сэтгэгдэл, алдааны мэдээ илгээж болно. Компани ийм саналыг Үйлчилгээгээ сайжруулахад ашиглах эрхтэй бөгөөд үүний төлөө танд төлбөр төлөх үүрэг хүлээхгүй.

Таны бүртгэл, төлбөр, харилцагчийн мэдээлэл болон бусад хувийн мэдээллийг Компани хэрхэн цуглуулж, ашиглаж, хамгаалж байгааг Нууцлалын бодлогод дэлгэрэнгүй зааж өгсөн. Нууцлалын бодлогыг ai.cody.mn/privacy хаягаас үзнэ.

Хэрэв та Sales Agent, Smart Listing, эсхүл AI Newsletter-ээр дамжуулан харилцагч, ажилтан, эсхүл бусад гуравдагч этгээдийн хувийн мэдээллийг Платформд ашигладаг бол тухайн мэдээллийг цуглуулах, ашиглах хууль ёсны үндэслэлийг та өөрөө хариуцна. Компани зөвхөн таны зааврын дагуу тухайн мэдээллийг боловсруулна.

Компани Платформ болон Үйлчилгээг найдвартай, аюулгүй ажиллуулахын тулд боломжит бүх арга хэмжээ авч ажиллана. Гэвч интернет, программ хангамж, гуравдагч талын систем ашигладаг тул Үйлчилгээ хааяа саатаж, зарим функц түр ажиллахгүй болох, эсхүл алдаа гарах магадлалтайг Та хүлээн зөвшөөрнө.

Стандарт багцад Компани тодорхой хугацаанд тасралтгүй ажиллах баталгаа, эсхүл саатлын нөхөн олговор (жишээ нь, кредит, буцаалт) олгохгүй. Жишээлбэл, Sales Agent түр саатсан, эсхүл Smart Listing-ийн боловсруулалт хугацаанаас хоцорсон тохиолдолд Компани автоматаар төлбөр буцаах, нэмэлт кредит олгох үүрэг хүлээхгүй. Гэхдээ Компани нөхцөл байдлаас хамааран, өөрийн үзэмжээр таньд нэмэлт хэрэглээ, дэмжлэг, эсхүл бусад тохиромжтой шийдэл санал болгож болно.

Компани Платформын аюулгүй байдал, чанарыг сайжруулах зорилгоор төлөвлөгөөт засвар хийж болно. Ийм засварын үед Үйлчилгээ түр зогсож болох бөгөөд Компани боломжтой тохиолдолд урьдчилан мэдэгдэнэ. Харин яаралтай аюулгүй байдлын арга хэмжээ авах шаардлагатай үед урьдчилан мэдэгдэх боломжгүй байж болно.

Sales Agent Facebook, Instagram зэрэг сошиал платформ дээр, Smart Listing болон AI Newsletter нь хиймэл оюун ухааны загвар, cloud үйлчилгээ зэрэг гуравдагч талын системд тулгуурлан ажилладаг. Эдгээр гуравдагч талын систем саатсан, өөрчлөгдсөн, эсхүл хязгаарлагдсанаас үүдэн Үйлчилгээнд гарсан асуудлыг Компани хариуцахгүй. Жишээлбэл, Facebook-ийн систем саатсанаас Sales Agent хариу өгөхгүй байвал энэ нь Facebook-ийн асуудал бөгөөд Компанийн шууд хяналтаас гадуур асуудал юм.

Компани нь Хэрэглэгчийн ашиг алдагдах, орлого буурах, өгөгдөл алдагдах зэрэг шууд бус хохирлыг хариуцахгүй.

Хэрэв та Sales Agent-ийн автомат үйлдэл, эсхүл өөрийн оруулсан мэдээллийн улмаас гуравдагч этгээдийн нэхэмжлэл, гомдол авсан бол ийм асуудлыг та өөрөө хариуцаж шийдвэрлэнэ. Компани шаардлагатай бол мэдээлэл өгөх замаар танд туслах болно.

Та хүссэн үедээ бүртгэл, захиалгат үйлчилгээгээ info@cody.mn хаягаар, эсхүл Платформын тохиргооноос цуцлах хүсэлт гаргаж болно. Цуцлалт хийсэн ч тухайн сарын төлбөрөө аль хэдийн төлсөн бол таны багц уг сарын эцэс хүртэл хэвийн ажиллана.

Хэрэв та автомат сунгалтыг идэвхжүүлсэн бол дараагийн төлбөр татагдахаас өмнө үйлчилгээгээ цуцлах, эсхүл автомат сунгалтыг унтраана уу. Төлбөр аль хэдийн амжилттай татагдсан бол тухайн төлбөрийг буцаах боломжгүй.

Хэрэв та төлбөрөө хугацаанд нь төлөөгүй бол Компани таны төлбөртэй үйлчилгээг шууд түдгэлзүүлнэ.

Хэрэв та энэхүү Нөхцөл, тухайн үйлчилгээний тусгай нөхцөл, эсхүл хууль тогтоомжийг зөрчсөн бол Компани таны бүртгэлийг урьдчилан мэдэгдэлгүйгээр түдгэлзүүлэх эсхүл бүрмөсөн цуцлах эрхтэй.

Компани өөрийн бизнесийн шийдвэрээр тодорхой үйлчилгээг зогсоох, эсхүл Платформын үйлчилгээг бүхэлд нь дуусгавар болгож болно. Ийм тохиолдолд Компани танд боломжтой хугацаанд, ажлын 30 хоногийн өмнө урьдчилан мэдэгдэж, өгөгдлөө татаж авах боломж олгоно.

Хэрэв Та байгууллагын бүртгэл ашигладаг бол зөвхөн удирдах эрхтэй хэрэглэгч байгууллагын бүртгэлийг цуцлах, эсхүл устгах хүсэлт гаргах эрхтэй. Удирдах эрхтэй хэрэглэгч бүртгэлээ цуцалбал тухайн байгууллагын бүх хэрэглэгчийн хандах эрх мөн зогсоно.

Байгууллагын бүртгэл цуцлагдахаас өмнө удирдах эрхтэй хэрэглэгч бусад хэрэглэгчид мэдэгдэх үүрэгтэй. Хэрэв мэдэгдэхгүй орхисон бол үүнээс үүдэн бусад хэрэглэгчид учирсан хохирлыг Компани хариуцахгүй.

Таны бүртгэл цуцлагдсан, эсхүл түдгэлзсэн тохиолдолд таны Платформд оруулсан мэдээлэл, каталог, чат, тайлан болон бусад өгөгдлийг татаж авах боломжийг Компани 30 хоногийн турш олгоно. Ашиглагдаагүй Кредит нь бүртгэл цуцлагдсанаар хүчингүй болно. Кредит нь бэлэн мөнгөнд хөрвөхгүй, бусад бүртгэл рүү шилжихгүй тул цуцлахаасаа өмнө боломжтой Кредитээ ашиглахыг зөвлөж байна.

Дээрх 30 хоног дууссаны дараа Компани таны мэдээллийг устгах, эсхүл бусдыг таних боломжгүй хэлбэрт оруулах эрхтэй. Хуулиар заасан хугацаанд хадгалах шаардлагатай төлбөр, нэхэмжлэхийн мэдээллийг үүнээс гадуур хадгална.

Компани энэхүү Нөхцөлд өөрчлөлт оруулах эрхтэй. Өөрчлөлтийг Компани Платформ дээр нийтэлж, шинэчилсэн огноог заана.

Байгалийн гамшиг, дайн, интернэт эсхүл цахилгааны өргөн хүрээний саатал, кибер халдлага, эсхүл талуудын хараа хяналтаас гадуур бусад давагдашгүй хүчин зүйлийн улмаас Компани үйлчилгээгээ хэвийн үзүүлж чадахгүй болсон бол энэ хугацаанд хариуцлага хүлээхгүй. Ийм нөхцөл байдал арилмагц Компани Үйлчилгээгээ сэргээхийг хичээнэ.

Энэхүү Нөхцөл болон Үйлчилгээтэй холбоотой аливаа маргааныг Монгол Улсын хууль тогтоомжийн дагуу шийдвэрлэнэ.

Талууд эхлээд харилцан ойлголцлын үндсэн дээр маргаанаа шийдвэрлэхийг эрмэлзэнэ. Хэрэв ийнхүү шийдвэрлэж чадаагүй бол маргааныг Монгол Улсын шүүхэд шийдвэрлүүлнэ.

Энэхүү Нөхцөлийн аль нэг заалт хүчин төгөлдөр бус болсон ч бусад заалтын хүчин төгөлдөр байдалд нөлөөлөхгүй.

Үйлчилгээ, бүртгэл, төлбөр, эсхүл энэхүү Нөхцөлтэй холбоотой асуулт байвал та дараах хаягаар Компанид хандаж болно:

• Компанийн нэр: “Коди” ХХК
• И-мэйл: info@cody.mn

Веб хуудас: ai.cody.mn.

Cody LLC (the “Company”, “we”) provides AI services through ai.cody.mn. These Terms of Service (the “Terms”) govern use of the Platform, registration, product choice, payment, and the services we provide.

“Platform” means ai.cody.mn and the related console. “Service” means Sales Agent, Smart Listing, AI Newsletter, and other AI products offered on the Platform. “You” / “User” means an individual 18 or older, or a legal entity, that accepts these Terms and uses the Platform.

By registering and enabling “I have read and accept the Terms of Service and Privacy Policy”, you accept these Terms. If you register, choose services, pay, or use the Platform for an organisation, you confirm you have authority to represent it. If you do not accept, you may not register, buy paid service, or use the Service as intended.

Choosing, using, or paying for a product also accepts that product’s special terms. These documents are part of the Terms: Privacy Policy at ai.cody.mn/privacy; Sales Agent at ai.cody.mn/product-terms/sales-agent; Smart Listing at ai.cody.mn/product-terms/smart-listing; AI Newsletter at ai.cody.mn/product-terms/ai-newsletter. A separate written or electronic contract between you and the Company prevails over these Terms.

We may keep electronic records of your account, acceptance, payments, and use as evidence that you accepted the Terms and used the Service.

To use the Service you register with email and password, or mobile number and a one-time code, then verify that contact. Unverified accounts may be limited. You must be 18 and have full legal capacity. Organisation users confirm they may represent the organisation, choose services, and make payment decisions.

Provide accurate information. Keep contact, organisation, and invoice data current. We are not liable if notices fail, payments do not confirm, or service interrupts because data was wrong, incomplete, or outdated. Keep passwords, one-time codes, and login links secret. Actions taken with your verified email, phone, or login are treated as yours.

If someone accesses your account without permission, or a password or login is lost, notify us at once at info@cody.mn. An organisation admin may add and remove users, change rights, choose services, and make payment actions; those acts bind the organisation. You are responsible for users you grant access.

Do not create an account with someone else’s name, email, phone, organisation name, or registration number without their consent. Do not use another person’s account or login. We may ask for extra documents to prevent fraud; if you do not provide them we may limit access.

We may offer Sales Agent (customer chat and sales support), Smart Listing (catalogue copy and product data), AI Newsletter (reports and recommendations), and other services. Live packages, prices, and limits are shown on the Platform. Using or paying for a service also accepts its special terms.

Sales Agent may run on Facebook Messenger, Instagram, web chat, email, WhatsApp, Viber, and other channels the Platform then supports. You may connect only channels you have the right and credentials to use. Channel availability can change with third-party terms, APIs, and policy.

You may upload catalogues, FAQs, files, images, orders, and other data needed to run the Service. You must keep that data accurate and current. Review AI output before you publish it to a marketplace or other third-party system.

We may update, add, limit, or stop features, channels, and technical limits for security, quality, law, third-party systems, or customer need. If a change materially affects an active service we will give notice when we can. Emergency security, legal, or third-party limits may have no prior notice.

Price, VAT, billing cycle, and next payment date are shown on the Platform before you pay. You may pay by card, QPay, or bank transfer. We do not store full card number, security code, or expiry; a payment provider processes the charge. Service starts when payment is confirmed (for bank transfer, when funds actually arrive).

The next monthly charge falls on the same day you first paid. Auto-renew is opt-in; if enabled we attempt to charge the saved card on the next date. If auto-renew is off we send an invoice, QPay image, or payment instructions before the pack ends. Failed or expired payment suspends paid service until you pay again; the new cycle starts on the successful payment date.

You may upgrade by paying the unused-period difference. A downgrade takes effect on the next cycle; the unused difference is not refunded. Smart Listing credits are bought in advance, last 12 months, and do not convert to cash or transfer. Credits spent on a failed job caused by our technical fault are restored; credits spent on your bad file or settings are not. Sales Agent warns at 80%, 90%, and 100% of the monthly message cap; auto-replies pause at the cap until you buy more. Paid amounts are not refunded except as required by law or for a duplicate/wrong charge caused by our error. Payment questions: info@cody.mn.

The Service uses AI and other automation. Output may be wrong, incomplete, or outdated. You must review, edit, and confirm AI output before you use it for prices, stock, promotions, orders, delivery, refunds, or other business decisions. AI is not legal, financial, tax, or medical advice.

You (or an organisation admin) control Sales Agent automations such as auto-replies, prices, promotions, order and payment links, and refunds, and you are responsible for customer disputes that follow. Tell customers they are talking to an AI assistant and offer a human when needed. Smart Listing may suggest public-web images; you must check copyright before use. We are not liable for third-party model or platform outages. Do not use AI output alone for decisions that materially affect human rights, employment, credit, insurance, or health.

Use the Service only for lawful, fair purposes. You must have the rights to any catalogue, image, file, or customer data you upload. You must not: sell or promote illegal goods or copyright-infringing content; spread false or fraudulent information; use others’ personal data without permission; put passwords, full card numbers, CVVs, or one-time codes into chat or files; send unsolicited mass messages; bypass security; use another user’s account; or resell the Service without our consent.

Automated messages, offers, and payment links must follow the law and Facebook, Instagram, and other connected-platform rules. Unsolicited mass messages can get your account limited or banned on those platforms. If we believe you breached these Terms, a product’s special terms, or the law, we may notify you and give time to fix, temporarily limit a product or channel, or immediately suspend or cancel the account for illegal use, fraud, or serious risk to others.

The Platform, software, design, logo, and our other technology belong to the Company. These Terms give you a right to use the Platform, not any other right. You keep rights in catalogues, images, files, and customer data you upload; we use that data only to serve you. You may use AI output for your business, but we do not warrant it is unique to you. Suggested public-web images are not a licence. Feedback you send may be used to improve the Service without payment. Privacy details are at ai.cody.mn/privacy. You are responsible for a lawful basis when you put third-party personal data on the Platform.

We take reasonable steps to keep the Platform reliable and safe, but internet, software, and third-party systems can fail. Standard packs have no uptime SLA and no automatic credits or refunds for delay. Scheduled maintenance may pause the Service; we give notice when we can. Emergency security work may have no notice. Outages at Facebook, Instagram, AI models, or cloud providers are outside our control. We are not liable for lost profit, lost revenue, or lost data. Customer claims caused by Sales Agent automations or data you entered are yours to resolve.

You may cancel at info@cody.mn or in Platform settings. If that month is already paid, the pack runs to month-end. Turn off auto-renew before the next charge; a charge already taken is not refunded. Unpaid invoices suspend paid service. We may suspend or cancel without prior notice for a breach of these Terms, special terms, or the law. If we discontinue a service or the Platform, we will give about 30 business days’ notice and a chance to export data when we can.

Only an organisation admin may cancel or delete an organisation account; that ends access for every user. The admin must tell other users first. After cancellation or suspension you have 30 days to export catalogues, chats, reports, and other data. Unused credits then lapse and do not convert to cash. After 30 days we may delete or de-identify the data, except payment and invoice records we must keep by law.

We may change these Terms and publish the new date on the Platform. We are not liable while force majeure (disaster, war, widespread internet or power failure, cyber attack, or similar events beyond the parties’ control) prevents normal service. Mongolian law governs. Parties will try to resolve disputes by discussion; otherwise Mongolian courts decide. If one clause is invalid the rest remain in force. Contact: Cody LLC, info@cody.mn, ai.cody.mn.